Маблағгузорӣ: БАТР

Мизоҷ: БАТР

ISM Consulting ҳамчун зерпудратчии ширкати Atkins дар гузаронидани арзёбии ҳамаҷонибаи техникии лоиҳаи нақлиёти барқӣ барои ҶДММ «Сайёҳон» — ширкати хусусии хизматрасонии фармоиши таксӣ дар Тоҷикистон иштирок намуд.

Дар доираи лоиҳа хариди то 100 мошини барқӣ ва таъсиси нуқтаҳои барқдиҳӣ дар пойгоҳи ширкат ба нақша гирифта шуда буд. Ин тадбирҳо ба беҳтар намудани хизматрасонии таксӣ дар шаҳри Душанбе равона гардида буданд.

Супориш таҳлили бозори хизматрасонии таксӣ, пешгӯии талабот ва муайян намудани талабот ба парки нақлиёт, инчунин арзёбии нақшаи истифодаи воситаҳои нақлиёти барқӣ ва доираи умумии лоиҳаро дар бар гирифт. Хароҷот ва нақшаи сармоягузории лоиҳа баррасӣ гардида, барои таҳияи модели молиявӣ маълумоти техникӣ ва иқтисодӣ пешниҳод гардид.

Корҳо инчунин арзёбии экологии партовҳои газҳои гулхонаӣ ва моддаҳои ифлоскунандаи ҳаво, баррасии раванди харид ва хусусиятҳои техникии воситаҳои нақлиёти барқӣ, инчунин мусоидат ба рушди иқтидори институтсионалиро фаро гирифтанд.